قصيدة قمة في الروعه بلييييييييييييييز ادخلوا ولا تحرموني ردودكم

علمونا في المدارس كيف نقرا هالحروف..
علمونا كيف نرسم كيف ننقش بالنحاس..
علمونا كيف نكتب كيف نبدع بالوصوف..
كيف نبحر بالمعاني كيف ناخذها إلتباس..
علمونا كيف نصبر كيف نقوى هالظروف..
كيف نبني هالمواقف استجابه للحواس..!
والحقائق علمونا كلها سمع و شوف..
علمونا وعلمونا كل شي بالمقاس..
و إن حفظنا كافئونا و إن نسينا بالكفوف..
كل موقف له طريقة و الجزاء هو الأساس..
فوق هذا سلمونا و لامنعوا عشق يلوف..
ولاعطونا درس قاسي يمنع القلب النعاس..!
يمنع القلب يتمادى ثم ياخذنا الحتوف..
بين موت و بين شوق وبين لذة سم كاس..
اتركونا للمشاعر نحترق لوعة و خوف..
نحترق بطول المسافة كلها شوك يداس..!
و اتركونا في الصحاري ثوب مشقوق الكتوف..
يحتوينا "قيـــظ حــــب" في عذابه مات ناس..
ليتهم ماعلمونا بس عطونا بالوقوف..
درس ماشي به نماشي قسوة الحب و يباس..
ليتهم بس علمونا كيف نطفي نار جوف..
كيف نمنع ذا الخفوق ونتركه بأرض مساس..
مايجيبه الود لحظة و لا نغني بالحسوف..
و لانقول شلون عشنا و العمر ماله قياس..
هي أمــــاني و الأمـــــــانـــي حلمها فينا يطوف..
إن خذتنا بالحقيقة ما خذتنا بإختلاس..
وليتهم وسط المدارس ماعطونا هالحروف..
ولا عطونا كيف نرسم كيف ننقش بالنحاس..!