نقاشات جادة بين البنات والاولاد

رايق البال · 09-28-2008, 04:46 PM

				اقـتـبــاس
				المشاركة الأصلية كتبت بواسطة
	، سؤالي.. فيه مجموعة من الشباب تشوف نفسهآ أحسن من البنات، مع انهم متساوين في كل شيئ.. فليش؟ و أحيانآ تلقاهم يستدلوا بنصوص من الشرع بدون قراءة تفسير للنص و إنما يستدل بهآ على حسب فهمه للنص ،

أكيد حنا أحسن

..! <<<<<<< برررااااا

لا جد أشووفه شيء طبيعي ,,

* كون اننا لكل جنس طبيعته وأولوياته ,, تختلف النظره والعقليه من جنس لجنس

فاللي نشوفه حنا هو الأهم انتن تشفن انه فيه اللي أهم منه ,, واللي تشفن انتن انه هو الأهم حنا نشوف انه فيه اللي أهم منه ..

وكون ان كل جنس له ميزته اللي يتميز به عن الجنس الآخر والميزه هذي غالبا
مايعتبره مالكه ميزه له و نقص لفاقده ..

أكيد اننا راح نشوف أنفسنا عليكن لأنكن تنقصكن الميزه اللي عندنا واللي نشوف انه هي الأساس ..

هذا اللي عندي ان شاء الله يكون واضح كلامي << والله مالظاهر

توله بالتوفي · 09-28-2008, 11:30 PM

رد رائع أخ رايق البال
لاكن أنا لا أوافقك الرأي لأن في بنات بصراحه يقوموا
بعمل اكثر الرجال مايتحملوها يعني مافي أحد أحسن من أحد
كل لما خلق له لا فرق الا بالتقوى
سؤالي للأولاد ماهي المرأه في نظركم وليه البعض يخجل من ذكرها؟

النرجس · 11-07-2008, 05:05 PM

,

هل أعتبر عدم إجابتكم على سؤال أختي توله,,
عدم وجود إجابة بحوزتكم.. أم ماذا؟ ..

..

,

مجروحه · 11-14-2008, 05:35 PM

؟؟؟؟؟؟؟؟؟؟؟؟؟؟؟؟؟؟ لماذا لاتقدرون ان تجاوبوا على سؤال ياشباب

رايق البال · 11-15-2008, 01:42 AM

ودي أحد يجاوب غيري من الشباب ,, أحس إنه مابوه إلا أنا العيال يمرون يردون رد بعدين يروحون وأنا ناشب هنا ..

على العموم إن جيت بكرا وما أحد رد من الزقرة رديت عليكم ,, المشكله إني ماعندي سؤال جاهز ..

المهم إن شاء الله راجع لكم بروآق

رايق البال · 11-19-2008, 01:08 AM

المعذره على تأخر الرد ,, أدري محد متابع بس عن الوعد اعتذر ..

				اقـتـبــاس
				المشاركة الأصلية كتبت بواسطة
	سؤالي للأولاد ماهي المرأه في نظركم وليه البعض يخجل من ذكرها؟

بنظري وبنظر الكثير من الرجال ,, المرأه إمي وإختي وزوجتي اللي مستعد اموت ,, ولا تمس شعره من شعر روسهن ..

واللي نتعب ونشتغل بس علشان نوفر لهن اللي يبن ,, ولو طلبت أي شيء نقدر عليه لبيناه ..

ومسألة إننا نخجل من ذكره ..

هذي عاده خذيناه من شيباننا ,, إننا ما نذكر إسم أحد من محارمنا عند رجل غريب ..

يعني لو جبت طاري إختك أو امك أو مرتك تقول إختي إم فلان إذا كانت معرسه أو إختي وبس ما تحدد أو الوالده أو الأهل أو إم العيال تقصد مرتك ويعني زي كذا ..

ما أشوف بهالشيء تقليل لإختي أو إمي ,, وهي عاده عندنا بالخليج كبدو يعني لأن الخليج كلهم بدو ( أصلهم أقصد ) ..

والعاده إذا ما كانت صحيحه ماهو بالضروره تكون خاطئه ,, يعني مجرد عاده ..

فيه ناس اللي تلقاه ما ينطق إسم المره أبد لأنه يعتبر تقليل منه حتى لو كان يبي يدعيه ,, هذا اييه فعلا تقليل من المره

ولا يفعل هالشيء إلا الجهله وبالوقت الحالي قليل جداً تشوفه ..

المعذره على الرد اللي ماهو كل هذا ,, ما من جو يساعد على الرد بس عن عهدي ..

سؤالي علشان ما ياقف الموضوع ..

ليش ماعاد صرنا نلقى بنت تقبل إنه تجلس ببيت حموله .؟ يعني ألحين أغلب البنات تشرط إنه تكون لحاله ,, ليه .؟

أنا تعليلي لهالقضيه أحد أمرين ,, وياليت أسمع رايكن بهالقضيه وبتعليلي هل هو فعلاً صحيح أو لا .

أنا صراحه لو قالت لي البنت اللي أبي أخطبه أبي ببيت لحالي ما أبي عند أهلك ,, كنسلة الخطبه كله وقلت إجلسي عند أهلك

ولو قالت لا خلاص عادي ما أبي ببيت لحالي ,, برضه أبي أقول إجلسي عند أهلتس والله يرزقتس إبن الحلال ..

تدرون ليه .؟

لأنه ماقالت هالشيء إلا أحد أمرين ::

1\ يا إنه هي عصبيه وماهي صبوره وتعرف نفسه إنه ماتحمل تسكن عند حموله فتقول أبي أختصره من أوله وش لي بوجع الراس ..

2\ أو إن أهلي ماهم معجبينه وماتبي تسكن عندهم ببيت واحد ..

يعني يا إنه تشوف العيب به هي أو إنه تشوف العيب بأهلي ,, وبكل الحالتين ما ابيه تكون زوجتي ..

**بيت الحموله اللي يكون فيه عائلتين أو أكثر ببيت واحد سواء أخوان أو أب وإبنه ..

والمعذره على القصور .

رايق البال · 11-24-2008, 11:40 PM

ليش ما تردن

دنيتي غيير · 11-25-2008, 12:14 AM

				اقـتـبــاس
				[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة رايق البال
	سؤالي علشان ما ياقف الموضوع .. ليش ماعاد صرنا نلقى بنت تقبل إنه تجلس ببيت حموله .؟ يعني ألحين أغلب البنات تشرط إنه تكون لحاله ,, ليه .؟ أنا تعليلي لهالقضيه أحد أمرين ,, وياليت أسمع رايكن بهالقضيه وبتعليلي هل هو فعلاً صحيح أو لا . أنا صراحه لو قالت لي البنت اللي أبي أخطبه أبي ببيت لحالي ما أبي عند أهلك ,, كنسلة الخطبه كله وقلت إجلسي عند أهلك ولو قالت لا خلاص عادي ما أبي ببيت لحالي ,, برضه أبي أقول إجلسي عند أهلتس والله يرزقتس إبن الحلال .. تدرون ليه .؟ لأنه ماقالت هالشيء إلا أحد أمرين :: 1\ يا إنه هي عصبيه وماهي صبوره وتعرف نفسه إنه ماتحمل تسكن عند حموله فتقول أبي أختصره من أوله وش لي بوجع الراس .. 2\ أو إن أهلي ماهم معجبينه وماتبي تسكن عندهم ببيت واحد .. يعني يا إنه تشوف العيب به هي أو إنه تشوف العيب بأهلي ,, وبكل الحالتين ما ابيه تكون زوجتي ..

الإهداءات
إضافة إهداء

نقاشات جادة بين البنات والاولاد

دار الحوارات الساخنه