| روابط مفيدهـ : استرجاع كلمة المرور | طلب كود تفعيل العضوية | تفعيل العضوية | اضفنا للمفضلة | اجعلنا صفحة البداية |
|
 « آخـــر الـــمـــشـــاركــــات » |
|
التسجيل السريع مُتاح
|
|
|||||||
| مقهى دار العروبة ¤ خارج نطاق السيطره ,, والموقع يخلى مسئوليته عن مشتركى هذا القسم وسمعنا فيه ممنوعات فى الداخل تتوزع مجاني ..!! |
 |
|
|
أدوات الموضوع | انواع عرض الموضوع |
09-25-2008, 03:18 PM
|
#1 |
|
ஐ مـشـرف ஐ
دار الصور والعجائب  
|
قصتي مع السحور ليلة امس ( البارح )
السلام عليكم .. شعلومكم مع طوول الشمس لهذى اليوم الجميل .. يوم 25 من رمضان .. والله وتكووسح الرمضان وماباقي منه شي .. ايييه الله يخلف علينا بس .. صراحتن منذ مبطي ماسدحت لي موضوع في هذى المقهى .. وصارت لي قصتن مع ذا السحور امس .. وقلت ابسردها لكم ونضرب كومة عصافير بحجر .. منها اني اسدح موضوع هنا ,, ومنها تشوفون المعانات بتاعتي .. ومنها احد الاعضاء يخربها ويقول على الملازيم سحورك الليله عندي يابو حصه .. طبعا السحور بيكون تيس مسدوح مانيب مكثر عليكم ..  شوفو ياطويلين الاشناب وياطويلات الجدايل ..  الله يسلمكم الموضوع وبكل اختصار شديد وقله اسطر مانيب مطول عليكم .. هو : امس وما ادراك ما الامس انه احد الليالي الرمضانيه .. وفيه معانات لكل الصائيمين .. وهو السحور وكيفيه الحصول عليه وكيفيه ملئ البطن بشكل كامل حتى لا يتضور جوع الشخص في نهار رمضان .. مع اني ماظن احدن يصحا بالنهار الكل نايم الله يخلف.. الا انا نظام شيبان لازم اذوق طعم الصبحيه في كل يوم .. ملحوظه : يوجد بالقصه اسم .. صيتي .. هذى اسم شغالتنا وتتميز انها ماتعرف تطبخ ولله الحمد .. امس وانا اسحب رجولي داخلن البيت .. الا بالوالد العزيز يقول ابوحصيص  .. جابك الله مر المطبخ واسئل الشغاله وش النواقص الي تبونها وجبها من بنده .. انا اناظر خشت ابوي واناظر الساعه و اناظر المطبخ << ثلاثه في واحد .. كانت الساعه ثلاث الاربع وخشتي من فيذا لفيذا تتشوق لسدح الكبسه .. رحت لصيتي صيتي .. وقلت وش تبون من بنده وانا اغمز لها ابيها تقول مانبي شي بس طلعت نذله الله يصلحها انا قلت نص ساعه وان شاء الله يمديني وادخل سباق مع الزمن .. ركبت السياره قلت بصير ذكي لو مره وحده بحايتي واختصر الطريق ماروح لبنده اروح لاقرب بقاله .. يوم دخلت واتلفت يمين ويسار .. وبيدي هالطلبات قشطة خفق, مناديل, زبدة , شرايح سمبوسة , قمر الدين , بف باستري , جبن كيري, جالكسي, دريم ويب, زبادي. خبز سلايز.....................الخ. البقاله تلوح مابها ربع الطلبات الي معي .. قلت مضيعه وقت ليتني ماسويت ذكي بهالوقت .. واروح لبنده الي بمخرج 16 بجوار ايكيا .. هذي اقرب شي لنا .. المهم وانا داخل ماغير افووحط برجولي بالعربيه من ممر لممر ومن ثلاجه لثلاجه ..احاول اجمع اكبر قدر من الطلبات المصفوفه بالورقه .. الا يوم ناظرت الا الساعه ثلاث وزود دقيت على ابوي اصيح .. انا : يبه يبه تكفى مالقيت المقدير بجي اتسحر ابوي :عادي وانا ابوك اخر السحور.. ما سمعت حديث الرسول عليه الصلاه والسلام انا:بس يبه مايمديني.. الى متى يعني؟تراي في بنده 16 يعني عارف الوضع ابوي:عاادي بنرفع من الكبسة..<< اما عااد اللي بيرفع تشجعت شوي وزدت من السرعه الا والساعه 3 واربعين دقيقه .. براسي يدور هالسؤال .. هل يمديني اتسحر ؟ المهم طلعت اخر واحد من بنده سكرو مابقى الا انا وركبت السياره ومعي كومه الاغراض واشخط ووقفت بالاشاره .. الساعه 4 الا عشر .. >> ادعي على الشغاله صيتي صيتي .. الساعه 4 الاخمس .. >> افكر رفعولي من الكبسه ولا لا .. الساعه اربع تمام .. >> بديت افتح الاكياس واكل من الزبادي كوده يملى معدتي شوي .. الساعه اربع ووخمس ..>> ادعي اني اووصل باسرع مايمكن .. الساعه اربع وعشر ..>> دخلت البيت .. الا والاقيهم متسدحين بالصاله خالصين ولارفعولي << كنت متوقع هالاجرام .. رحت للمطبخ كودي الحق اكل شي .. واحوس وادور .. مالقيت قدامي الا ( زبده الفول السوداني) واخذ الملعقه .. ومن العلبه لفمي بشكل سريع .. الا وتدخل علي صيتي صيتي ..تقول هاه جبت الاغراض .. واقولها كوووولي تبن وفمي مليان من زبدة الفول السوداني .. صيتي صيتي راحت تشوف الطلبات تقووول الزبادي ناااقص ..ليش كذى .؟ قلت كوولي بقره .. اذن المؤذن واللقمه بفمي تتجول .. ماذى افعل .. لا استطيع بلعها ولا اخراجها فهي بالمنتصف بالحلق ..؟! .. نقاط يستفاد منها بالموضوع .. مقداير مدري طلبات مالها داعي لناس ماتعرف تطبخ الا كبسه .. الجزاء من جنس العمل .. الرسول عليه الصلاة والسلام قال الافضل تاخير السحور بس عااد موب دقيقة قبل الاذان الناس يفهمون غلط .. ليه الكذب يقولون بنرفع من الكبسة ولا يرفعون؟ .. .. وشكرا .. تقبل الله منا ومنكم.. اللهم اجعل صيامي فيه صيام الصائمين.. وقيامي فيه قيام القائمين. الحقوق محفوظه .. القصه واقعيه حدثت لي انا شخصيا .. يمنع الرد بيسلمو ع الموضوع ..نبي ردود تثلج الصدر ..  |
|
